पुणे : पुणे महानगर परिवहन महामंडळाच्या (PMP) बसने प्रवास करणाऱ्या प्रवाशांकडील ऐवज लांबविणाऱ्या चोरट्यांनी उच्छाद मांडला आहे. शहरातील वेगवेगळ्या मार्गावर घडलेल्या घटनांमध्ये चोरट्यांनी महिलांकडील एक लाख ३० हजारांचा ऐवज चोरला.(PMPML Pune)
डेक्कन जिमखाना, बाजीराव रस्ता परिसरात या घटना घडल्या असून एका महिलेने डेक्कन पोलिस ठाण्यात फिर्याद दिली आहे. तक्रारदार महिला गुरुवारी (ता. ३ ) कात्रज ते डेक्कन जिमखाना या मार्गावरील पीएमपी बसने प्रवास करत होती. बसमध्ये असलेल्या गर्दीचा फायदा घेत चोरट्यांनी महिलेच्या हातातील ८० हजार रुपयांची सोन्याची बांगडी लांबविली. चोरट्यांनी कटरचा वापर करून बांगडी लांबविल्याचा संशय पोलिसांनी व्यक्त केला असून पोलिस उपनिरीक्षक किशोर शिंदे तपास करत आहेत.
पीएमपी प्रवासी महिलेकडील ऐवज लांबविण्याची आणखी एक घटना घडली असून तिने याबाबत विश्रामबाग पोलिस ठाण्यात फिर्याद दिली आहे. तक्रारदार महिला या शुक्रवारी (ता. ४) कात्रज ते अप्पा बळवंत चौक या मार्गावर प्रवास करत होती. चोरट्यांनी महिलेच्या बॅगमधून ४० हजार रुपये किमतीचे मंगळसूत्र आणि त्यांच्या मुलीच्या पर्समधील रोख पाच हजार रुपये आणि पेंडल असा एकूण ४९ हजार रुपयांचा ऐवज लांबविला. यापूर्वी देखील अशा अनेक घटना घडल्या आहेत.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.