Pune Crime : बाणेरमध्ये घरफोडीत सव्वादोन लाखांचा ऐवज चोरी

पुणे - बाणेर भागातील एका घरातून चोरट्यांनी सोन्याचे दागिने आणि २० हजारांची रोकड असा दोन लाख १६ हजार रुपयांचा ऐवज चोरी केला. या प्रकरणी अक्षय देशपांडे (वय ३३, रा. गगनगिरी निवास, भैरवनाथ मंदिराजवळ, बाणेर) यांनी चतु:शृंगी पोलिस ठाण्यात फिर्याद दिली आहे.

देशपांडे हे काही कामानिमित्त बाहेर गेले असताना चोरट्यांनी घराच्या दरवाजाचे कुलूप तोडले. कपाटातील सामान अस्ताव्यस्त करून सोन्याचे दागिने आणि २० हजारांची रोकड चोरी करून चोरटे पसार झाले. पुढील तपास पोलिस उपनिरीक्षक रुपेश टेमगिरे करीत आहेत.