Pune Crime News : भावा-भावातील वाद थेट खुनापर्यंत; ताम्हिणी घाटात सख्ख्या भावाने केला भावाचा खून

पुणे/माले : ताम्हिणी घाटात बेवारस आढळलेल्या तरुणाच्या खुनाचा उलगडा करत पोलिसांनी आरोपीचा छडा लावला. हृषीकेश शिर्के याचा खून त्याच्याच मोठ्या भावाने केल्याचे तपासात समोर आले आहे. .हृषीकेश अनिल शिर्के (वय २३, रा. गायकवाड चाळ, मावळे आळी, कर्वेनगर) असे खून झालेल्या तरुणाचे नाव आहे. याप्रकरणी वारजे माळवाडी पोलिसांनी हृषीकेशचा सख्खा भाऊ अनिकेत अनिल शिर्के (वय २६) याला अटक केली. पोलिसांनी दिलेल्या माहितीनुसार, शनिवारी सकाळी ताम्हिणी घाटातील गोणवडी गावाजवळ एका तरुणाचा मृतदेह आढळून आल्याची माहिती पौड पोलिसांना मिळाली..तपासादरम्यान हृषीकेशचा खून त्याच्या भावानेच केला असून, तो कर्वेनगरमधील वनदेवी मंदिराच्या मागे टेकडीवर लपल्याची माहिती पोलिस उपनिरीक्षक सचिन तरडे यांना खबऱ्यामार्फत मिळाली. त्यानुसार पोलिसांनी सापळा रचून त्याला ताब्यात घेतले. परिमंडळ तीनचे पोलिस उपायुक्त संभाजी कदम, सहाय्यक आयुक्त भाऊसाहेब पटारे यांच्या मार्गदर्शनाखाली वरिष्ठ निरीक्षक प्रकाश धेंडे, पोलिस निरीक्षक (गुन्हे) नीलेश बडाख, पोलिस उपनिरीक्षक सचिन तरडे, संजय नरळे यांनी ही कारवाई केली..अनिकेत आणि हृषीकेश हे शुक्रवारी (ता. २५) रात्री देवदर्शनासाठी रत्नागिरीतील लांजा तालुक्यातील गोळवशी-शिर्केवाडी येथे जाण्यासाठी कर्वेनगरहून दुचाकीवर निघाले होते. दोघे मध्यरात्री ताम्हिणी घाटात गोणवडी परिसरात थांबले. यावेळी अनिकेतने व्यसनाबाबत हृषीकेशला समजावले. त्यावरून दोघांमध्ये वाद झाला. राग अनावर झाल्याने अनिकेतने धारदार शस्त्राने हृषीकेशचा खून करून तेथून तो पसार झाला..आरोपी अनिकेतने दिलेल्या कबुलीनंतर वारजे पोलिसांनी पौड पोलिसांशी संपर्क साधला. शनिवारी पहाटे गोणवडी परिसरात सापडलेला मृतदेह हृषीकेश शिर्केचा असल्याचे निष्पन्न झाले. त्यानंतर अनिकेतला पौड पोलिसांच्या ताब्यात देण्यात आले असून, या गुन्ह्याचा तपास पौड पोलिस करीत आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.