Pune Crime : महिलेला मारहाणप्रकरणी बाजार समितीच्या प्रशासकाविरुध्द गुन्हा

पुणे : मार्केट यार्डमध्ये लिंबू विक्रेत्या महिलेला मारहाण करून जातिवाचक शिवीगाळ केल्याप्रकरणी कृषी उत्पन्न बाजार समितीचे माजी प्रशासक मधुकांत गरड यांच्यासह २० ते २५ जणांविरुद्ध गुन्हा दाखल करण्यात आला आहे.

याप्रकरणी एका महिलेने मार्केटयार्ड पोलिस ठाण्यात फिर्याद दिली आहे. भाजी मार्केटमध्ये लिंबू विक्री करताना आरोपींनी महिलेला मारहाण करून जातिवाचक शिवीगाळ केली, असे फिर्यादीत नमूद केले आहे.

दरम्यान, ‘‘बाजार समितीचे अधिकारी, कर्मचारी हे सार्वजनिक सेवेसाठी त्यांचे कर्तव्य बजावत असतात. नोंदविलेला गुन्हा चुकीचा आहे. मी त्या महिलेला ओळखत नाही. याबाबत कायदेशीर अभिप्राय घेऊन न्यायालयात दाद मागत आहोत’’, असे बाजार समितीचे माजी प्रशासक मधुकांत गरड यांनी सांगितले.