पुणे : भूतान येथील एका तरुणीच्या असाह्यतेचा फायदा घेत नोकरीच्या आमिषाने तिच्यावर सामुहिक बलात्कार केल्याप्रकरणातील आरोपींचा जामीन अर्ज न्यायालयाने फेटाळला. तरुणीला तिच्या मायदेशात परत पाठविल्यानंतर तिने ऑनलाइन व्हिडिओ कॉन्फरन्सगद्वारे जामिनाच्या अर्जावर आपली बाजू मांडत विरोध केला. त्यानंतर न्यायालयाने ‘रेड हाऊस फाउंडेशन’च्या शंतनू सॅम्युअल कुकडे, अॅड. विपिन बिडकरसह आठ जणांचा जामीन अर्ज फेटाळला.