पुणे : चंदननगर भागातील साईनाथनगर भागात दुचाकीवरून आलेल्या चोरट्यांनी सराफी पेढीच्या मालकाला धमकावून तीन ग्रॅम सोन्याचा ऐवज पळवून नेल्याची घटना घडली..चंदननगर पोलिसांनी दिलेल्या माहितीनुसार, साईनाथनगर भागात आशापुरी ज्वेलर्स सराफी पेढी आहे. दुचाकीवरून आलेले चोरटे शुक्रवारी एकच्या सुमारास सराफी पेढीत शिरले. त्यांचे चेहरे रुमालाने झाकले होते..त्यांनी मालकाला शस्त्राचा धाक दाखवला व पेढीतील तीन ग्रॅमच्या सोन्याच्या बाळ्या घेऊन धूम ठोकली. याबाबत सराफी पेढीच्या मालकाने चंदननगर पोलिस ठाण्यात फिर्याद दिली असून, याबाबत रात्री उशिरा गुन्हा दाखल केला आहे..या वेळी फिर्यादीने चोरट्यांना प्रतिकार करण्याचा प्रयत्न केला व आरडाओरडा केला. तसेच त्यांच्या अंगावरही स्टूल फेकून मारला. मात्र, चोरटे दुचाकीवरून पसार झाले. फिर्यादी यांचा आरडाओरडा ऐकून नागरिकांनी चोरट्यांचा पाठलाग करण्याचा प्रयत्न केला परंतु ते वेगाने निघून गेले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
