उंड्री : महंमदवाडीमधील मार्गोसा हाइट सोसायटीसमोरून मोटारसायकलवरून जात असताना तिघांनी कोयत्याच्या धाकाने जीवे मारण्याची धमकी देऊन मोबाईल काढून घेण्याचा प्रयत्न केला. मात्र, त्याचवेळी तेथे पोलीस आल्याचे दिसताच चोरट्यांनी तेथून पळ काढला. ही घटना शुक्रवारी (दि. १० डिसेंबर) सायंकाळी पाचच्या सुमारास घडली.
हातीम फ्रेमवाला (वय ४३, रा. कोंढवा, पुणे) यांनी कोंढवा पोलीस स्टेशनमध्ये फिर्याद दिली असून, त्यानुसार तिघा अज्ञात आरोपींविरुद्ध गुन्हा दाखल केला आहे.
पोलिसांनी सांगितले की, हातीम फ्रेमवाला महंमदवाडीतील मार्गोसा हाइट सोसायटीसमोरील रोडवरून मोटारसायकलवरून जात होते. त्यावेळी तिघाजणांनी मोटारसायकल आडवी घालून कोयत्याच्या धाकाने जीवे मारण्याची धमकी देत मोबाईल काढून घेण्याचा प्रयत्न केला. दरम्यान, त्यावेळी तेथून पोलिस आल्याचे पाहून चोरट्यांनी पळ काढला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
