पुणे : शहराच्या मध्यवर्ती भागातील तुळशीबागेत खरेदीसाठी आलेल्या महिलेच्या पर्समधून ३९ हजार रुपयांचे दागिने व रोकड चोरट्याने लांबवली. याबाबत विश्रामबाग पोलिसांनी अज्ञात चोरट्याविरुद्ध गुन्हा दाखल केला आहे. .याप्रकरणी हडपसरमधील मांजरी बुद्रूक भागातील एका महिलेने विश्रामबाग पोलिस ठाण्यात फिर्याद दिली आहे. रविवारी (ता. १३) सायंकाळी त्या आपल्या कुटुंबासह खरेदीसाठी तुळशीबागेत आल्या होत्या..रविवार असल्याने बाजारपेठेत गर्दी होती. सायंकाळी पाच वाजण्याच्या सुमारास तुळशीबाग गणपती मंदिरासमोर गर्दीचा फायदा घेत अज्ञात महिलेने धक्का देत त्यांच्या खांद्यावरील पर्स लांबवली. पर्समध्ये दागिने व रोख रक्कम असा मिळून ३९ हजार रुपयांचा ऐवज होता..पर्स चोरीला गेल्याचे लक्षात येताच महिलेने पोलिस ठाण्यात तक्रार दिली. तुळशीबाग परिसरात महिलांच्या पर्स चोरीच्या घटना सातत्याने घडत आहेत. या पार्श्वभूमीवर पोलिस गस्त वाढवावी, अशी मागणी नागरिकांकडून केली जात आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
