Pune Crime : गुंगीचे औषध देऊन तरुणीवर बलात्कार

पुणे : उत्पादनाबाबत माहिती देण्याचा बहाणा करून तरुणीला लॉजमध्ये नेऊन एकाने तिला शीतपेयातुन गुंगीचे औषध देत तिच्यावर बलात्कार केल्याचा धक्कादायक प्रकार घडला. याप्रकरणी एका अज्ञात व्यक्तीवर बंडगार्डन पोलिस ठाण्यात गुन्हा दाखल करण्यात आला आहे.

या संदर्भात २५ वर्षीय तरुणीने फिर्याद दिली. त्यानुसार पीडित तरुणी एका कंपनीच्या उत्पादनांची ग्राहकांना माहिती देण्याचे काम करते. त्यातून आरोपीची तिच्यासमवेत ओळख झाली. त्यानंतर आरोपीने या तरुणीला उत्पादनासंदर्भात महिती एका ग्राहकाला देण्याचा बहाणा करून पुणे स्टेशन परिसरातील एका लॉजवर नेले. तेथे तिला शीतपेयातून गुंगीचे औषध देऊन तिच्यावर बलात्कार केला.

त्याने या घटनेचे व्हिडिओ चित्रीकरणही केले. ते तिच्या पतीला पाठविण्यासह सोशल मीडियावर प्रसारित करण्याची धमकी देत त्याने तिच्यावर वेळोवेळी अत्याचार केले. हा प्रकार पीडित तरुणीने कुटुंबीयांना सांगितल्यानंतर त्यांनी पोलिसांत धाव घेतली.