किरकटवाडी : खाजगी सावकाराकडून व्याजाच्या मागणीसाठी सुरू असलेल्या सततच्या छळामुळे आमचे पूर्ण कुटुंब तणावात होते. ज्याने पैसे घेऊन खर्च केले तो आणि त्याची पत्नीही टाळाटाळ करत असल्याने याला कंटाळून माझ्या पतीने आत्महत्या केली.
त्यांनी आत्महत्येपूर्वी लिहिलेल्या चिठ्ठीत याबाबत सविस्तर लिहून ठेवले असून माझ्या पतीच्या आत्महत्येला हेच जबाबदार आहेत अशी फिर्याद मयत निलेश जंगम यांच्या पत्नीने हवेली पोलीस ठाण्यात दिली असून त्यानुसार खाजगी सावकार सुहास दांडेकर, गोविंद मारुती भोपळे व वर्षा गोविंद भोपळे यांच्या विरोधात गुन्हा दाखल करण्यात आला आहे.
मयत निलेश जंगम यांच्या पत्नीने दिलेल्या फिर्यादीनुसार जंगम यांचे मित्र गोविंद भोपळे यांनी आपण काहीतरी एकत्र व्यवसाय करु असे म्हणत विश्वास संपादन करुन सुहास दांडेकर या खाजगी सावकाराकडून पतीच्या नावावर साडेतीन लाख रुपये व्याजाने घेतले.
गोविंद भोपळे यांनी कोणताही व्यवसाय सुरू न करता ते सर्व पैसे स्वतः खर्च केले. पतीने पैसे परत मागितले तर गोविंद भोपळे, त्यांची पत्नी वर्षा भोपळे हे टाळाटाळ करत होते. दुसऱ्या बाजूला सावकार सुहास दांडेकर हे व्याजासाठी तगादा लावत होते.
माझ्या पतीसह मलाही दमदाटी व शिवीगाळ करत होते. या त्रासामुळे माझे पती खचून गेले होते. आम्ही धार्मिक विधी करण्यासाठी गावी गेलो असता पतीने खाजगी सावकार सुहास दांडेकर यांच्याकडून होणारा त्रास असह्य झाल्याने व मित्र गोविंद भोपळे व त्याची पत्नी वर्षा भोपळे हे पैसे वापरून प्रतिसाद देत नसल्याने याबाबत चिठ्ठी लिहून किरकटवाडी येथील राहत्या घरी गळफास घेऊन आत्महत्या केली.
याबाबत अद्याप कोणालाही अटक करण्यात आली नसून प्रभारी अधिकारी अनमोल मित्तल यांच्या मार्गदर्शनाखाली महिला पोलीस उपनिरीक्षक शीतल ठेंबे अधिक तपास करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.