बाप रे ! पुण्याने ओलांडला कोरोनाग्रस्तांचा तीन हजारांचा टप्पा

पुणे : पुणे जिल्ह्याने मंगळवारी (ता.१२) सकाळी नऊ वाजता कोरोनाग्रसतांचा तीन हजारांचा टप्पा ओलांडला आहे. सध्या दर ११ दिवसांनी रुग्ण दुप्पट होऊ लागले आहेत. यामुळे येत्या २३ मेपर्यंत हा आकडा सहा हजारांवर जाण्याची शक्यता निर्माण झाली आहे. 

ताज्या बातम्यांसाठी डाऊनलोड करा ई-सकाळचे ऍप 

पुण्याच्या बातम्या वाचण्यासाठी येथे ► क्लिक करा

गेल्या बारा तासात आणखी ३९ रुग्ण वाढले आहेत. सध्या हा आकडा तीन हजार आठवर पोहोचला आहे. यापैकी सर्वाधिक  २ हजार ६०५ जण हे पुणे शहरातील आहेत. काल (ता.११) रात्री नऊ वाजेपर्यंत रुग्णांची संख्या दोन हजार ९६९ झाली होती. त्यात गेल्या बारा तासातील नव्या ३९ जणांची भर पडली आहे. दरम्यान, आतापर्यंत १६१ रुग्णांचा मृत्यू झाला आहे. 

रेशनकार्डाच्या नियमात केंद्राकडून बदल; तब्बल एवढ्या लोकांना होणार फायदा 

पुणे शहरापाठोपाठ पिंपरी चिंचवडमध्ये १६५, पुणे जिल्ह्याच्या ग्रामीण भागात ६७, जिल्ह्यातील नगरपालिका क्षेत्रात ३३ आणि तिन्ही कटक मंडळाच्या (कॅंटोन्मेंट बोर्ड) कार्यक्षेत्रात १३० रुग्ण आहेत. कॅंटोन्मेंट बोर्डातील एकूण रुग्णांपैकी पुणे १०३, खडकीत २५ आणि देहू २ रुग्ण आहेत.

मोठी बातमी : रांगेत न थांबता दारू मिळणार; पुण्यात ई-टोकनला सुरवात!