Pune News : पुणे दंत अधिवेशनात विज्ञान, संशोधन आणि सक्षमीकरणाचा समन्वय

पुणे : राज्यभरातील दंतवैद्य, संशोधक आणि विद्यार्थी यांना एकत्र आणत आधुनिक तंत्रज्ञान, नाविन्यपूर्ण उपचारपद्धती आणि महिलांच्या सक्षमीकरणाचा प्रभावी संदेश देणारे ‘पुणे दंत अधिवेशन-२०२६’ उत्साहात पार पडले. नागरिकांना अधिक दर्जेदार आणि आधुनिक दंतसेवा उपलब्ध व्हावी, या उद्दिष्टाने इंडियन डेंटल असोसिएशनतर्फे आयोजित या अधिवेशनात ३५ वैज्ञानिक व्याख्याने, संशोधन स्पर्धा असे विविध उपक्रम राबविण्यात आले.