पुणे : पुणे जिल्ह्यात मंगळवारी (ता.२५) दिवसभरात नवीन कोरोना रुग्णांच्या तुलनेत कोरोनामुक्त झालेल्यांची संख्या अधिक आहे. मंगळवारी दिवसांत जिल्ह्यात १० हजार ९८१ नवे कोरोना रुग्ण आढळून आले आहेत. याउलट दिवसात ११ हजार ६३८ जणांनी कोरोनावर मात केली आहे. अन्य १२ऐ रुग्णांचा कोरोनाने मृत्यू झाला आहे. दिवसातील एकूण मृत्यूमध्ये पुणे शहरातील ७ कोरोना मृत्यू आहेत. (Pune District Corona Updates)
दिवसातील जिल्ह्यातील एकूण नवीन कोरोना रुग्णांमध्ये पुणे शहरातील सर्वाधिक ५ हजार २७१ नवे रुग्ण आहेत. पिंपरी चिंचवडमध्ये ३ हजार ५७३, जिल्हा परिषद कार्यक्षेत्रात १ हजार ६६४, नगरपालिका हद्दीत ३२६ आणि कॅंटोन्मेंट बोर्ड क्षेत्रात १५७ नवे रुग्ण सापडले आहेत. एकूण कोरोनामुक्तांमध्ये शहरातील सर्वाधिक ६ हजार २९९ जण आहेत.
पिंपरी चिंचवडमधील ३ हजार १५०, जिल्हा परिषद कार्यक्षेत्रातील १ हजार ६६७, नगरपालिका हद्दीतील ३२५ आणि कॅंटोन्मेंट बोर्ड क्षेत्रातील १९७ जणांनी कोरोनावर मात केली आहे.
पुणे जिल्ह्यातील एकूण मृत्यूमध्ये शहरातील सात मृत्यूबरोबरच पिंपरी चिंचवडमधील ३ आणि जिल्हा परिषद व कॅंटोन्मेंट बोर्ड क्षेत्रातील प्रत्येकी एक मृत्यू आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
