पुणे : आईला शिवीगाळ करणाऱ्या मद्यपी मुलाची वडिलांनी केली हत्या | Sakal
sakal

बोलून बातमी शोधा

murder
पुणे : आईला शिवीगाळ करणाऱ्या मद्यपी मुलाची वडिलांनी केली हत्या

पुणे : आईला शिवीगाळ करणाऱ्या मद्यपी मुलाची वडिलांनी केली हत्या

पुणे : आईला शिवीगाळ आणि मद्यपान करणाऱ्या मुलाचा वडिलांनीच गळा दाबून खून केल्याची घटना बोपोडी घडली आहे. शवविच्छेदन अहवालानंतर ही बाब समोर आली आहे. त्यानुसार वडिलांवर खुनाचा गुन्हा दाखल करण्यात आला आहे. सोमवारी (ता.१८) हा प्रकार घडला.

सनी नागसेन घोडके (वय ३८, रा. बोपोडी याचा मृत्यू झाला असून त्याचे वडील नागसेन घोडके (वय ७२, रा. बोपोडी) याच्यावर याप्रकरणी गुन्हा दाखल आहे. आरोपी, पत्नी आणि सनी हा बोपोडी परिसरात राहत होते. नागसेन हा मंडप टाकण्याचे काम करतो तर सनी कोणतेही काम करत नव्हता. घटनेच्या दिवशी सकाळी सव्वा अकराच्या सुमारास नागसेन याचा मृतदेह बोपोडी येथे आढळून आला होता.

त्यावेळी मृतदेह शवविच्छेदनासाठी पाठविल्यानंतर सनीचा मृत्यू हा गंभीर मारहाणीमुळे व गळा दाबून खून केल्यामुळे झाल्याचे अहवालातून समोर आहे. याविषयी त्याच्या वडिलांकडे पोलिसांनी चौकशी केली असता त्यांनीच मुलाचा खून केल्याचे सांगितले. त्यावर पोलिसांनी त्याला खून करण्याचे कारण विचारले असता मुलाला दारूचे व्यसन होते. घटनेच्या दिवशी मुलगा दारू पिऊन येऊन आईला शिवीगाळ व मारहाण करत असल्याचे पाहून झालेल्या झटापटीत त्याचा मृत्यू झाल्याचे वडिलांनी सांगितले.

मृतदेह शवविच्छेदनासाठी पाठविल्यानंतर शवविच्छेदन अहवालात सनी याचा खून झाल्याचे निष्पन्न झाले. याबाबत त्याच्या घरात चौकशी केल्यानंतर त्याच्या वडिलांनी मुलाच्या खुनाची कबुली दिली. आईला शिवीगाळ आणि मारहाण करताना झालेल्या वादात हा प्रकार घडल्याचे वडिलांनी सांगितले. याप्रकरणी वडिलांवर गुन्हा दाखल करण्यात आला आहे.

- मच्छिंद्र चव्हाण, वरिष्ठ निरीक्षक, खडकी पोलिस ठाणे

Web Title: Pune Drunkard Son Killed By Father Crime

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..