Pune Fire : कोंढव्यात एमएनजीएलच्या वाहिनीला आग

पुणे - कोंढव्यातील साळुंके विहार रस्त्यावर असलेल्या महाराष्ट्र नॅचरल गॅस लिमिटेडच्या (एमएनजीएल) वाहिनीतून गॅसगळती होऊन आग लागल्याची घटना शनिवारी दुपारी घडली. आगीची माहिती मिळताच अग्निशमन दलाच्या जवानांनी ती आटोक्यात आणली. आगीमुळे कोणतीही मोठी दुर्घटना होवू नये म्हणून साळुंके विहार परिसरातील गॅस पुरवठा काही काळ बंद ठेवण्यात आला होता.

आगीची घटना ज्या ठिकाणी घडली तेथेच एक पार्क करण्यात आली होती. आगीची झळ लागल्याने तिचे नुकसान झाले आहे. साळुंके विहार रस्ता परिसरात एमएनजीएलकडून गॅस पुरवठा करण्यात येतो. गॅसगळती झाल्याने वाहिनीने अचानक पेट घेतला. या घटनेची माहिती स्थानिकांनी अग्निशमन दलाला कळविली.

त्यानंतर त्वरित कोंढवा अग्निशमन दल केंद्रातील जवानांनी घटनास्थळी धाव घेऊन आग आटोक्यात आणली. या घटनेची माहिती एमएनजीएलला देखील कळविण्यात आली. त्यामुळे एमएनजीएलने त्या वाहिनीचा गॅस पुरवठा बंद केला. एमएनजीएलच्या तंत्रज्ञानी घटनास्थळी भेट देऊन गॅसवाहिनीची दुरुस्तीचे काम हाती घेतले आहे. दुरुस्तीनंतर या भागातील गॅसपुरवठा सुरळीत झाला, अशी माहिती अग्निशमन दलाने दिली.