‘Try After Some Time’चा फटका! पुणे पदवीधर-शिक्षक मतदार नोंदणी रखडली, अंतिम तारीख आज, पण पोर्टल कालपासूनच बंद

पौड : पुणे पदवीधर आणि शिक्षक या दोन्ही विधानपरिषद मतदारसंघाच्या आगामी निवडणुकीसाठी संकेतस्थळावर (पोर्टल) नवीन मतदार नोंदणीची अंतिम तारीख रविवार (ता.27 सप्टेंबर) दुपारी बारा वाजेपर्यंत होती. परंतु 26 तारखेलाच रात्री नोंदणी बंद केल्याने अनेक मतदार नोंदणीपासून वंचित राहिले आहेत. शनिवारीही दिवसभर तांत्रिक बिघाडामुळे संकेतस्थळ दिवसभर बंद पडले. ट्राय आफ्टर समटाईम'च्या संकेतस्थळाच्या मेसेजने नवे मतदार बेजार झाले होते. त्यामुळे आमची मतदार नोंदणी होणार की नाही अनेकांना प्रश्न पडला आहे.