पिंपळे गुरव, ता.२३ : ‘पुणे ग्रँड टूर २०२६’ अंतर्गत पार पडलेल्या सायकल शर्यतीचे सांगवी फाटा परिसरात उत्साहाचे वातावरण निर्माण केले. दुपारी १२ पासूनच शर्यतीच्या तयारीसाठी परिसर गजबजून गेला होता. विविधरंगी फलक, बॅनर्स तसेच स्पर्धकांचे स्वागत करणारी आकर्षक सजावट यामुळे संपूर्ण सांगवी फाटा परिसर लक्षवेधी ठरला होता.
सांगवी फाटा परिसरातून सायकल स्पर्धकांनी मार्गक्रमण करताच प्रेक्षकांनी टाळ्यांच्या कडकडाटात आणि जल्लोषात स्पर्धकांना प्रोत्साहन दिले. पिंपळे गुरव, नवी सांगवी, जुनी सांगवी तसेच दापोडी या परिसरांतून युवक, ज्येष्ठ नागरिक, महिला व विद्यार्थी मोठ्या संख्येने उपस्थित राहून शर्यतीचा आनंद घेत होते. रस्त्याच्या दुतर्फा उभ्या असलेल्या नागरिकांच्या उत्स्फूर्त प्रतिसाद दिला. प्रत्येक वळणावर ‘जय हो’, ‘गो फास्ट’ अशा घोषणांनी वातावरण भारावून गेले होते. सांगवी पोलिस स्टेशन, सांगवी वाहतूक पोलिस, स्वयंसेवक आणि आयोजक यांच्या उत्कृष्ट समन्वयामुळे शर्यत शिस्तबद्ध आणि सुरळीतपणे पार पडली.
आंतरराष्ट्रीय दर्जाच्या सायकल शर्यतीमुळे सायकलिंग संस्कृतीला चालना मिळत असून तरुण पिढीला खेळाकडे आणि निरोगी जीवनशैलीकडे प्रेरणा मिळत असल्याची भावना नागरिकांनी व्यक्त केली. सांगवी फाटा येथे अनुभवलेला हा जल्लोषी उत्साह आणि आनंद दीर्घकाळ स्मरणात राहणारा ठरला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.