Pune Half Marathon Photo : बजाज अलियान्झ पुणे मॅरेथॉन 2023 ला पुणेकरांनी आज (दि. 10 डिसेंबर) प्रचंड प्रतिसाद दिला. पहाटे 5 वाजल्यापासूनच बालेवाडी म्हाळुंगे येथील छत्रपती शिवाजी महाराज स्पोर्ट्स कॉम्प्लेक्समध्ये उत्साही पुणेकरांनी मोठ्या प्रमाणात उपस्थिती लावण्यास सुरूवात केली होती.
जसजशी 10 डिसेंबरची पहाट पुढे सरकत होती. तसतेसे 21.1 किमी, 10 किमी, 5 किमी अन् 3 किमीची मॅरेथॉन सुरू झाली. काही वेळातच विजेते देखील जाहीर झाले. याचबरोबर यंदाच्या मॅरेथॉनमध्ये पुणेकरांनी केलेल्या विविध वेशभूषेने देखील सर्वांचे लक्ष वेधून घेतले.
बजाज अलियान्झचे कर्मचारी असलेले शेख कुटुंबीय देखील पहिल्यांदाच सहपरिवार पुणे मॅरेथॉनमध्ये सहभागी झाले होते. मात्र ते फक्त सहभागी झाले नाही तर ते त्यांच्यासोबत आपल्या चिमुकल्या झाशीच्या राणाला झुनैराला देखील सोबत घेऊन आले होते.
वसिम शेख यांनी सकाळशी बोलताना सांगितले की, ही त्यांची पहिलीच मॅरेथॉन आहे. त्यामुळे काहीतरी वेगळं करायचं असं ठरवलं होतं. झुनैराच्या शाळेत दोन दिवसांपूर्वीच फॅन्सी ड्रेस स्पर्धा पार पडली होती. त्यावेळी ती झाशीची राणी झाली होती. हाच पोषाख घालून आज 4 वर्षाची झुनैरा आज पुणे मॅरेथॉनमध्ये आली होती. तिच्यासोबत तिचा 10 वर्षाचा भाऊ निशाद देखील होता.
यंदाच्या पुणे मॅरेथॉनमध्ये पुणेकरांनी पारंपरिक वेशभूषा करत संस्कृती जपण्याचा संदेश दिला. एक मराठमोळा मावळा देखील या मॅरेथॉनमध्ये धावाला अन् त्यानं पदक देखील पटकावलं. या सातारा जिल्ह्यातील कराडमधून आलेल्या मावळ्याचं नाव आहे मोहन दुर्गावळे! याचबरोबर हडपसर येथील मेडिकलचा व्यवसाय करणारे भुराराम चौधरी यांनी बजाज अलियान्झ पुणे मॅरेथॉन 2023 मध्ये पारंपरिक वेशभुषा करत संकृती जपण्याचा संदेश दिला.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.