Pune : दुर्बल घटकांच्या मदतीसाठी मानवतावादी एक पाऊल पुढे

कॅन्टोन्मेंट : मानवतावादी संघटनेने माणुसकीचे दर्शन कोरोना महामारीमध्ये घडविले. गतिमंद, अनाथाश्रम आणि गरजूंना शैक्षणिक साहित्याची मदत करण्याची तळमळ त्यांच्या कार्यातून दिसून आली. सभासदांबरोबर समाजातील दुर्बल घटकांसाठी धावून जाणारी मानवतावादी संघटना असल्याचे मत विनोदशेठ दुगड यांनी व्यक्त केले.

मानवतावादी समाजसेवा संघटनेच्या २९ व्या वर्धापनदिनानिमित्त शिक्षक भवनमध्ये छोटेखानी कार्यक्रमाचे आयोजन केले होते. याप्रसंगी संस्थेचे अध्यक्ष गफ्फार खान, माजी शिक्षण उपसंचालक सदाशिव पेटकर, ज्येष्ठ पत्रकार अशोक बालगुडे, संघटनेचे कार्याध्यक्ष अरविंद पिल्ले, उपाध्यक्ष प्रकाश रावळकर, खजिनदार सईद शेख, मेहमूदशा भंडारी,

दत्तात्रय भोसले, दत्ता कदम, बाळू बारवकर, पदमाकर बांडे, नेताजी सोलवत, ट्रस्टी वासुदेव जांभेकर, सुरेश इथापे, सुभाषशेठ दुगड, सफिया खान, प्रकाश कात्रेला उपस्थित होते. यावेळी सामाजिक, क्रीडा, उल्लेखनीय काम केलेल्या सदस्य सर्वस्वी जयश्री सास्वीहळ्ळी, सनोबर खान यांना सन्मानचिन्ह आणि प्रशस्तीपत्रक देऊन मान्यवरांच्या हस्ते सन्मान करण्यात आला.

माजी गटशिक्षणाधिकारी सुनील गायकवाड यांनी सूत्रसंचालन केले. सईद शेख यांनी आभार मानले. संस्थेचे सचिव अशोक जाधव यांनी प्रास्ताविकामध्ये संस्थेच्या कार्याचा आढावा घेऊन पुढील वर्षाच्या कामकाजाविषयी माहिती दिली.