पुण्यातील २२ वर्षीय आयटी व्यावसायिक महिलेवर अत्याचाराच्या प्रकरणात पोलिसांनी एक धक्कादायक खुलासा केला आहे. या प्रकरणात आरोपी आणि पीडिता एकमेकांना आधीपासूनच ओळखत असल्याचे समोर आले आहे. याशिवाय, पीडितेने स्वतःच फोटोवर धमकीचा मॅसेज टाईप केल्याचा दावा पोलिसांनी केला आहे. या प्रकरणाने पुणे शहरात खळबळ उडवली असून, पोलिस तपासात आणखी काय समोर येणार याकडे सर्वांचे लक्ष लागले आहे.