Video Viral: पुण्यातील टिळक रोडवर तरूणांची फ्री स्टाईल हाणामारी
पुणे : पुण्यातील टिळक रोडवरील जोंधळे चौकात तरुणांची फ्री स्टाईल हाणामारी पाहायला मिळाली आहे. १० ते १२ तरुणांकडून एका तरूणाला जबर मारहाण करण्यात आली आहे. त्याचबरोबर हातात दगड घेऊन दहशत निर्माण करण्याचाही प्रयत्न करण्यात आला आहे. हाणामारीचं कारण अद्याप स्पष्ट झालं नसून या घटनेचा व्हिडिओ व्हायरल झाला आहे.
(Pune Crime News)
जोंधळे चौकात दहा बाराजण एका तरूणाला बेदम मारहाण करताना या व्हिडिओत दिसत आहेत. या घटनेनंतर विश्रामबाग पोलिसांनी गुन्हेगाराला अटक केली आहे. सात जणांना अटक करण्यात आली असून अधिक तपास सुरू असल्याचं पोलिसांनी सांगितलं आहे.
पूर्व वैमनस्यातून हे भांडणं झाले असल्याची माहिती पोलिसांकडून मिळाली आहे. त्यानंतर पोलिसांकडून त्यांना अटक करण्यात आली आहे. अटक करण्यात आलेले तरूण हे सिंहगड रोडवरून आले असल्याचं पोलिसांनी सांगितलं. दहा ते बारा तरूणांकडून एका तरूणाला मारहाण करण्यात येत असल्याचं या व्हिडिओमध्ये दिसत आहे. तसेच एकजण हातात दगड घेऊन दहशत पसरवण्याचं काम करत आहे. याबाबत सात तरूणांना पोलिसांकडून अटक करण्यात आली असून घटेनेचा तपास सुरू असल्याचं सांगितलं.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.