MLA Bhimrao Tapkir : खडकवासला धरणाच्या रिकाम्या जागेत क्रीडांगण करा

खडकवासला - खडकवासला धरण परिसरातील रिकाम्याजागी अतिक्रमण होत आहे. याकडे आमदार भीमराव तापकीर यांनी विधानसभेत औचित्याचा मुद्दाद्वारे सरकारचे लक्ष वेधले. तेथे क्रीडांगण करण्याची मागणी त्यांनी आज विधानसभेच्या अर्थसंकल्पीय अधिवेशनाच्या शेवटच्या दिवशी केली.

खडकवासला मतदार संघांमध्ये खडकवासला धरणाच्या बाजूला पाणलोट क्षेत्रालगत व लाभ क्षेत्राच्या बाजूला मोठ्या प्रमाणामध्ये जलसंपदा विभागाची मोकळी जागा आहे. हि जागा रिकामी पडून आहे. खरं तर त्या ठिकाणी अतिक्रमण वाढत आहे. त्या ठिकाणी योग्य नियोजन केले तर, त्या ठिकाणी गार्डन, क्रीडांगण, जॉगिंग ट्रॅक या ठिकाणी होऊ शकतो. गावातील आणि त्याचप्रमाणे शहरांमधील नागरिकांना त्याच्या ठिकाणी फार मोठ्या प्रमाणामध्ये उपयोग होऊ शकतो. आज महाराष्ट्र विधानसभेच्या अर्थसंकल्पीय अधिवेशनामध्ये औचित्याच्या मुद्द्याद्वारे सरकारला ही महत्वाची सूचना केली.