Pune Koyta Gang : येरवड्यात कोयता गँगने फोडल्या गाड्या

विश्रांतवाडी : येरवडा येथील लमाण वस्ती येथे मंगळवारी ९ तारखेला पहाटे चार ते पाच वाजण्याच्या सुमारास अज्ञात इसमांनी चारचाकी वाहने फोडली. या प्रकरणी शंकर मानु चव्हाण (वय-55वर्षे राहणार पांडु लमान वस्ती, येरवडा) यांनी फिर्याद दिली आहे. या प्रकरणी 04अनोळखी इसमाना अटक करण्यात आली असून आरोपींचे नाव समजू शकले नाही.

यासंदर्भात पोलिसांनी सांगितले की मंगळवारी पहाटे 04-05वाजण्याच्या सुमारास फिर्यादी व त्यांचे शेजारी यांची वाहने नगरसेवक श्वेता चव्हाण यांचे कार्यालयासमोर पार्क केली असता या वाहनांच्या काचा फोडून नुकसान केले.

गुन्हा दाखल घटनास्थळी वरिष्ठ पोलीस निरीक्षक बाळकृष्ण कदम, जयदीप गायकवाड( गुन्हे), पोलीस उपनिरीक्षक अंकुश डोंबाळे, पोलीस उपनिरीक्षक स्वप्नाली गायकवाड यांनी घटनास्थळी भेट दिली आहे. पोलीस उपनिरीक्षक पाटील अधिक तपास करीत आहेत.