LGBTQ Pride : पुण्यात एलजीबीटीक्यू अभिमान यात्रा रंगतदार; स्वीकृती, समानता आणि घटनात्मक हक्कांसाठी बुलंद आवाज

पुणे : ‘तुमचं आमचं सेम असतं, प्रेम म्हणजे प्रेम असतं’, ‘हे हे हो हो, होमोफोबिया हॅज टू गो’, ‘नका करू दुजेपणा, समलैंगिकांना आपलं म्हणा’, ‘कल हो आज हो, समानता का राज हो’ अशा घोषणा आणि हातात लहरणारे रंगीबेरंगी झेंडे घेऊन पुणे शहरातील मध्यवर्ती भाग शनिवारी (ता. १३) एका वेगळ्याच स्वीकृतीच्या रंगांनी उजळून निघाला.