Pune : मार्केटयार्डात सव्वाकिलो वजनाच्या जॉर्ज मँगोची आवक

पुणे : पुण्यातील श्री छत्रपती शिवाजी मार्केटयार्डातील फळबाजारात तब्बल सव्वाकिलो वजनाच्या जॉर्ज मँगो या आंब्याची सोमवारी (ता.१५) आवक झाली. व्यापारी संदीप कटके यांच्या किरण फ्रूट एजन्सी या गाळ्यावर दोन क्रेट इतकी आवक झाली. या आंब्याला प्रतिकिलोला ५० रुपये भाव मिळाला.

याबाबतची माहिती देताना श्रीकांत कटके म्हणाले, वेल्हे तालुक्यातील सोडे सरपाले या गावातील शेतकरी श्रीराम सरपाले यांच्या शेतातून आंबा मार्केटयार्डात विक्रीला आला आहे. आंबा आकाराने मोठा असल्याने बाजारात चर्चेचा विषय ठराला होता. दरम्यान, हा आंबा खरेदीसाठी ग्राहकांनी गर्दी होती.