Pune Metro : पुणेकरांचा मेट्रोला उदंड प्रतिसाद! आता वनाज ते रुबी हॉल फेऱ्यांसाठी एक तास वाढवला

पुणे : शहरातील वनाज स्थानक ते रूबी हॉल क्लिनिक मार्गावरील मेट्रो आता सकाळी ६ ते रात्री १० दरम्यान सुरू राहणार आहे. बुधवारपासून (ता. १७) या बदलाची अंमलबजावणी होणार आहे. शहरातील मार्गावर प्रवाशांचा चांगला प्रतिसाद मिळू लागल्याने सकाळी १ तास लवकर मेट्रो सुरू करण्यात येत आहे.

पिंपरी चिंचवड महापालिका स्थानक ते शिवाजीनगर न्यायालय स्थानक दरम्यानच्या मेट्रो मार्गावरील वेळेत कोणताही बदल करण्यात आलेला नाही. या मार्गावरील सेवा सकाळी ७ ते रात्री १० अशीच सुरू असणार आहे. याची प्रवाशांनी नोंद घ्यावी, असे आवाहन मेट्रो प्रशासनाने केले आहे.

पुणे मेट्रोची वारंवारता पुढीलप्रमाणे असेल

वनाझ स्थानक ते रुबी हॉल क्लिनिक मार्ग

सकाळी ६ ते ८ - दर १५ मिनिटांनी

सकाळी ८ ते ११ - दर १० मिनिटांनी

सकाळी ११ ते दुपारी ४ - दर १५ मिनिटांनी

दुपारी ४ ते रात्री ८ - दर १० मिनिटांनी

रात्री ८ ते १० - दर १५ मिनिटांनी

पिंपरी चिंचवड महानगरपालिका स्थानक ते सिव्हिल कोर्ट स्थानक मार्ग

सकाळी ७ ते ८ - दर १५ मिनिटांनी

सकाळी ८ ते ११ - दर १० मिनिटांनी

सकाळी ११ ते दुपारी ४ - दर १५ मिनिटांनी

दुपारी ४ ते रात्री ८ - दर १० मिनिटांनी

रात्री ८ ते १० - दर १५ मिनिटांनी