Diwali Special Buses: दिवाळीसाठी पुण्यातून १,२०० जादा बस;‘एसटी’चे नियोजन; दररोज एक लाख प्रवाशांची होणार वाहतूक

पुणे : दिवाळीसाठी गावी जाणाऱ्या प्रवाशांची गर्दी लक्षात घेऊन महाराष्ट्र राज्य मार्ग परिवहन महामंडळाच्या (एसटी) पुणे विभागाने १२०० जादा बस सोडण्याचे नियोजन केले आहे. पुण्यातून पश्चिम महाराष्ट्र, विदर्भ आणि मराठवाड्यात जाणाऱ्या प्रवाशांसाठी या बस उपलब्ध असतील. या माध्यमातून दररोज सुमारे एक लाख प्रवाशांची वाहतूक करण्याचे नियोजन आहे. त्यामुळे सणासुदीच्या काळात प्रवाशांची गैरसोय टाळण्यास मदत होणार आहे.