PMC Welcoming Defaulters with Rangoli and Flowers
Sakal
पुणे : थकबाकीदारांनी पैसे भरल्याने त्यांचा चक्क सन्मान केल्याचा प्रकार आज विविध कार्यालयांमध्ये घडला आहे. दरम्यान पहिल्या दिवशी अभय योजनेतून ६ कोटी १५ लाख रुपये जमा झाले आहेत. पुणे महापालिकेच्या प्रकल्पांसाठी निधीची गरज आहे. हा निधी उभा करण्यासाठी १५ नोव्हेंबर ते १५ जानेवारी या कालावधीत अभय योजना राबवून मिळकतकराच्या थकबाकीवर ७५ टक्के सवलत दिली जाणार आहे. यातून जमा होणारा निधी हा विकास आराखड्यातील रस्ते करणे, भूसंपादन करणे यासह अन्य कारणांसाठी वापरला जाणार आहे.