Pune Heatwave Alert : पुणेकरांनो सावधान! वाढत्या तापमानामुळे उष्माघाताचा धोका; महापालिकेने दिल्या महत्त्वाच्या सूचना, घराबाहेर पडण्यापूर्वी वाचा

Pune Heatwave Alert: पुणे शहरात सध्या तापमानात सातत्याने वाढ होत असल्याने उष्णतेच्या लाटेची शक्यता निर्माण झाली आहे. या पार्श्वभूमीवर नागरिकांनी स्वतःच्या आणि कुटुंबीयांच्या आरोग्याची विशेष काळजी घेणे गरजेचे आहे. उष्माघात टाळण्यासाठी पुणे महानगरपालिकेने स्पष्ट मार्गदर्शन जारी केले आहे. यात काय करावे आणि काय टाळावे याबाबत सविस्तर सूचना देण्यात आल्या आहेत. महापालिकेच्या आवाहनानुसार, दारू, चहा, कॉफी किंवा जास्त साखर असलेली पेये पूर्णपणे टाळावीत, कारण ही पेये शरीरातील पाण्याचे प्रमाण कमी करतात आणि उष्माघाताचा धोका वाढवतात.