पुणे : समोरील (फ्रंट) व बाजूच्या (साइड) मोकळ्या जागी (मार्जिन) हॉटेल थाटून अतिक्रमण केलेल्या इमारतींवर कारवाई करावी आणि मालमत्ता धारकांकडून तीन पट कर वसूल करावा, असा आदेश महापालिकेचे अतिरिक्त आयुक्त पृथ्वीराज बीपी यांनी दिला..शहरातील अनेक इमारतीच्या बाबतीत अशी स्थिती आहे. त्यामुळे अतिक्रमण होतेच, शिवाय वाहनतळाचा प्रश्नही गंभीर होतो. आयुक्तांनी यासाठी ‘लक्ष्य’ही दिले आहे. दर महिन्याला अशा किमान शंभर मिळकती शोधाव्या आणि कर वसूल करावा, वापरातील बदलांची नोंद घ्यावी, व्यावसायिक वापरासाठी असलेल्या जागांची तपासणी करावी आणि थकबाकीदारांकडून कर वसुल करावा, असेही त्यांनी आदेशात नमूद केले आहे..स्वतः पृथ्वीराज आणि उपायुक्त अविनाश सकपाळ यांनी बाणेर परिसरात संयुक्त पाहणी केली. काही हॉटेल आणि निवासी इमारतींकडून मोकळ्या जागांचा अनधिकृत व्यावसायिक वापर होत असल्याचे निदर्शनास आले. त्यामुळे अशा प्रकरणांवर वाढीव कर आकारणीसाठी निरीक्षकांना निर्देश देण्यात आले..प्रत्येक निरीक्षकाला दरमहा विशिष्ट कामगिरीचे ‘लक्ष्य’ दिले जाईल आणि त्याची अंमलबजावणी तपासण्यासाठी अचानक पाहणी केली जाईल, असेही अतिरिक्त आयुक्तांनी स्पष्ट केले. याशिवाय, कर वसुली सुधारण्यासाठी विभागाला ७० नवीन कर्मचारी मिळाले असून त्यांना लवकरच प्रशिक्षण दिले जाणार आहे. भविष्यात मिळकतकर व्यवस्थापनात ‘एआय’ तंत्रज्ञानाचा वापर होणार असून, नोंदणीसाठीच्या ‘अॅप’मध्येही सुधारणा केली जाणार आहे..मोठ्या हॉटेलनेही जागा व्यापल्याअतिरिक्त आयुक्त पृथ्वीराज यांनी बाणेर भागातील हाय स्ट्रीट येथे पाहणी केली. तेथे अनेक मोठ्या हॉटेलनी इमारतीच्या बाजूच्या व समोरच्या जागा व्यवसायासाठी व्यापल्याचे दिसून आले. याच पद्धतीने शहराच्या अन्य भागांतही हॉटेल सुरू आहेत. इमारतीच्या आवारात वाहने लावण्यास जागा नसल्याने तेथील गाड्या रस्त्यावर लावल्या जातात. त्यामुळे वाहतूक कोंडीत भर पडत असल्याने या हॉटेलवर कारवाई केली जाईल..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
