Pune Municipal Corporation Action Against Sinhgad Institute Property Tax Dues
esakal
पुणे : महापालिकेचा कोट्यवधी रुपयांचा मिळकतकर थकविणाऱ्या सिंहगड इन्स्टिट्यूट शिक्षण संस्थेविरोधात महापालिकेने आता कठोर कारवाईची तयारी सुरू केली आहे. संस्थेच्या ३३ मिळकतींवर मालमत्ता बोजा (बर्डन) चढविण्याचा प्रस्ताव मिळकतकर आकारणी विभागाने तयार केला आहे. संबंधित प्रस्ताव मान्यतेसाठी अतिरिक्त आयुक्तांकडे पाठविण्यात आला आहे. प्रस्तावास मंजुरी मिळाल्यानंतर संबंधित मिळकतींच्या लिलाव प्रक्रियेच्या दिशेने महापालिकेची पावले पडण्याची शक्‍यता आहे.
