पीएमपी खरेदी करणार सीएनजी बसेस
पुणे - पुणे महानगर परिवहन महामंडळाची (पीएमपी) सेवा सक्षम करण्यासाठी महापालिकेने आणखी एक पाऊल उचलले असून, सुमारे 13 कोटी रुपयांच्या "सीएनजी' बस खरेदी करणार आहे. त्यासाठी वर्गीकरणाद्वारे निधी उपलब्ध व्हावा, यासाठीचा प्रस्ताव स्थायी समितीने मंजूर केला. विशेषतः पेठांच्या परिसरांतील मार्गांवर बस धावणार आहेत.
शहराच्या मध्यवर्ती भागातील वाहतूक कोंडी फोडून नागरिकांसाठी सुरक्षित वाहतूक व्यवस्था पुरविण्याचे नियोजन महापालिका आणि "पीएमपी' व्यवस्थापन करीत आहे. त्यासाठी बसगाड्या वाढविण्यावर भर देण्यात येत आहे. त्यासाठी भाडेतत्त्वावर बस घेण्याची योजना आखली होती; मात्र, त्याऐवजी आता महापालिका या बस खरेदी करणार आहे. त्यामुळे महिन्याकाठच्या भाड्याच्या रकमेची बचत होणार आहे.
""वर्दळीच्या भागांत नागरिकांना वाहतूक व्यवस्था पुरविण्यासाठी ही योजना आहे. त्यासाठी 13 कोटी रुपयांतून 50 "सीएनजी' बस खरेदी करण्यात येणार आहेत. प्रवाशांना 10 रुपयांत दिवसभर प्रवास करता येईल, या योजनेसाठी बस वापरण्यात येणार आहेत,'' असे स्थायी समितीचे अध्यक्ष हेमंत रासने यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.