महंमदवाडीतील रस्ते पालिका कधी दुरुस्त करणार | Sakal
sakal

बोलून बातमी शोधा

road

महंमदवाडीतील रस्ते पालिका कधी दुरुस्त करणार

उंड्री : महंमदवाडी-डी मार्ट, कोरिएंथन क्लब, वेताळबाबा मंदिर, रहेजा चौक, डी मार्ट परिसरातील खड्डेमय रस्त्यात दुचाकी खड्ड्यात कोलमडून अपघात होत आहेत. पालिका प्रशासन रस्त्याची दुरुस्ती करण्यासाठी मुहूर्त शोधत आहे का, असा संतप्त सवाल वाहनचालक आणि स्थानिक नागरिकांनी उपस्थित केला आहे.

पावसामुळे पडलेल्या खड्डेमय रस्त्यातून वाहनचालकांना कसरत करावी लागत आहे. खड्ड्यांत वाहने आदळल्याने वाहनांचे नुकसान होत आहे, तर कंबर, पाठ आणि मणक्याचा त्रास होत असल्याचे चालक, सहप्रवाशांनी सांगितले. पीएमपी बस खड्ड्यात आदळताच चाकरमानी, शाळकरी विद्यार्थी आणि ज्येष्ठ नागरिकांची तारांबळ उडत आहे. आता पावसाने उघडीप दिली आहे, त्यामुळे पालिका प्रशासनाने तातडीने खड्डे बुजवावेत, अशी मागणी महंदवाडीतील बाळा घुले, दिलीप राठोड, ओंकार तिवारी यांनी केली.

गृ़हिणी पूनम देशपांडे, अनसुया गुप्ता म्हणाल्या की, पावसाची रिपरिप, खड्डे-चिखलमय रस्त्याने ये-जा करताना नको झाले आहे. वाहने खड्ड्यात गेली की, अंगावर पाणी उडते, चिखलमय रस्त्यावरून चालताना पाय घसरून अपघात होत आहेत. ज्येष्ठ नागरिकांनी घराबाहेर पडावे की नाही, अशी भयावह परिस्थिती झाल्याचे त्यांनी सांगितले.

दरम्यान, हडपसर क्षेत्रीय कार्यालयातील कनिष्ठ अभियंता विक्रम लहाने म्हणाले की, पावसामुळे सर्वत्र खड्डेमय रस्ते झाले आहेत. त्याची दुरुस्ती करण्याचे काम युद्धपातळीवर सुरू आहे.

Web Title: Pune Municipality Mahamadwadi Road

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..