पुणे-नाशिक महामार्गावर सकाळीच भीषण दुर्घटना; ट्रकची समोरासमोर भीषण धडक, वाहतूक खोळंबली

पुणे-नाशिक महामार्गावरील वाकी परिसरात बुधवारी सकाळी दोन मालवाहू ट्रकची समोरासमोर भीषण धडक होऊन मोठा अपघात झाला. या अपघातात एक ट्रक रस्त्याच्या कडेला उलटून खाली उभ्या असलेल्या चारचाकी वाहनावर कोसळल्याने घटनास्थळी एकच खळबळ उडाली. अपघातात अनेक जण जखमी झाल्याची प्राथमिक माहिती असून त्यांना तातडीने उपचारासाठी जवळील खासगी रुग्णालयात दाखल करण्यात आले आहे.