Pune News: पाथर्डी - मुंबई बस अपघातात एसटी चालकाचा मृत्यू

Vagholi News: पाथर्डी - मुंबई एस टी बस अपघातातील एस टी चालक सतीश बाबासाहेब वारे ( वय ४५ , रा पाथर्डी ) यांचा उपचारा दरम्यान सोमवारी रात्री ८.३० च्या सुमारास मृत्यु झाला. त्यांनी १० दिवस मृत्यूशी झुंज दिली. मात्र ती अपयशी ठरली.

एक जून रोजी मध्यरात्री पेरणे फाटा जकात नाक्याजवळ बस दुभाजकाला धडकून २० ते २२ प्रवासी जखमी झाले होते. यातील चालकासह १४ जणांना उपचारासाठी रुग्णालयात दाखल करण्यात आले होते.

चालक वारे यांच्यावर मुंबईतील गोरेगाव येथील हिंदूहृदयसम्राट स्वर्गीय बाळासाहेब ठाकरे रुग्णालयात उपचार सुरू होते. ते अपघातात गंभीर जखमी झाले होते. मात्र त्यांचा उपचारा दरम्यान मृत्यू झाला.