Pimpir Chinchwad News: पुण्यातील पिंपरी चिंचवडमध्ये एक धक्कादायक घटना घडली आहे. तीन भटकी कुत्री मृतावस्थेमध्ये आढळली आहेत. या कुत्र्यांना विषबाधा झाल्याचा प्राथमिक अंदाज आहे. पोलिसांनी अज्ञात व्यक्तीविरोधात गुन्हा नोंद केला आहे..संत तुकाराम नगर पोलिस ठाण्यात सोमवारी अज्ञात व्यक्तीविरोधात गुन्हा नोंद करण्यात आलेला आहे. शनिवारी तीन भटक्या कुत्र्यांचे मृतदेह आढळून आल्यानंतर परिसरात भीती पसरली होती. ही घटना पिंपरी चिंचवड येथील महिंद्रा अँथिया सोसायटीमध्ये शनिवारी घडली..प्राणीमित्रांच्या माहितीनुसार, सोसायटीमधील ११ भटक्या कुत्र्यांना अन्नामधून विष देण्याचा प्रकार कुणीतरी अज्ञात व्यक्तीने केला. त्यातल्या तीन कुत्र्यांचा दुर्दैवी मृत्यू झाला. इतर विषबाधीत कुत्र्यांची प्रकृती गंभीर आहे.औंध येथील शासकीय पशुवैद्यकीय रुग्णालयामध्ये मृत कुत्र्यांचं शवविच्छेदन करण्यात आलेलं आहे. काही सॅम्पल्स तपासणीसाठी प्रयोगशाळेत पाठवण्यात आलेले आहेत..पोलिसांनी दिलेल्या माहितीनुसार, सोसायटीमधील रहिवाशी आणि प्राणीमित्र मनिष सिंग यांना अनेक कुत्रे अत्यवस्थ असल्याचं दिसून आलं. काही कुत्र्यांना उलट्या, जुलाब सुरु झाले होते. त्यांनी तातडीने काही श्वानांना काळेवाडी येथील पशुवैद्यकीय रुग्णालयामध्ये हलवलं. तिथे डॉक्टरांनी त्यांच्यावर उपचार केले..Accident News: अमरावतीहून मध्यप्रदेशला जाणाऱ्या परिवहन बसचा भीषण अपघात! ४ जणांचा जागीच मृत्यू, १९ प्रवासी गंभीर.महिंद्रा अँथिया सोसायटीचा १४ एकराचा परिसर आहे. त्यामुळे नेमक्या किती श्वानांना विषबाधा झाली आहे, हे सांगणं कठीण आहे. यापूर्वी काही रहिवाशांनी पशुवैद्यकीय विभागाशी संपर्क करुन भटक्या कुत्र्यांपासून होणाऱ्या धोक्याबद्दल सांगितलं होतं. हे कुत्रे लहान मुलांवर आणि वृद्ध नागरिकांवर हल्ले करीत असल्याचं त्यात म्हटलं होतं..मिशन पॉसिबल फाऊंडेशनच्या संस्थापक पद्मिनी स्टम्प म्हणाल्या की, या प्रकरणामध्ये आम्ही गुन्हा नोंद केला आहे. हे केवळ क्रूरपणाचे कृत्य नाही तर भारतीय न्याय संहितेनुसार फौजदारी गुन्हा आहे. संत तुकाराम नगर पोलिस ठाण्याच्या वरिष्ठ पोलिस निरीक्षक वनिता धुमाळ यांनी कुत्र्यांना विष दिल्याच्या घटनेला प्रथमदर्शनी मान्य केलं असून गुन्हा दाखल केल्याची माहिती दिली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
