शिवाजी रस्ता व बाजीराव रस्त्यावरून दहापैकी चार मार्गांवर पूर्वीप्रमाणे पीएमपीच्या मोठ्या बसेस धावणार आहे.
पुणे - शिवाजी रस्ता व बाजीराव रस्त्यावरून दहापैकी चार मार्गांवर पूर्वीप्रमाणे पीएमपीच्या मोठ्या बसेस धावणार आहे. दररोज ३० बसच्या माध्यमातून ५२४ फेऱ्या होणार आहे. याशिवाय, स्वारगेट येथून ‘पुण्यदशम’च्या २४ बसच्या माध्यमातून ७७१ फेऱ्या होणार आहेत.
प्रवाशांच्या विरोधाला न जुमानता पीएमपीने बाजीराव व शिवाजी रस्त्यावरून १२ मीटरच्या मोठ्या बसेस न सोडण्याचा निर्णय घेतला होता. याचा मोठा फटका प्रवाशांना बसला. स्वारगेटच्या बस थांब्यावरच बस अवघ्या एक मिनिटांत फुल्ल होत होती. त्यानंतरच्या थांब्यावरील प्रवाशांना ४० मिनिटे वाट पाहावी लागत होती. याबाबत ‘सकाळ’ने प्रवाशांच्या हिताची बाजू मांडत या निर्णयाचा विरोध केला. त्यानंतर पीएमपी प्रशासनाने बुधवारी आपल्या निर्णयात बदल करून पूर्वीच्या चार मार्गांवरील बसेस पुन्हा बाजीराव रस्त्यावरून सोडण्याचा निर्णय घेतला. मात्र, अन्य सहा मार्गावरील फेऱ्यांचा प्रश्‍न प्रलंबितच आहे.
हे मार्ग आता पूर्वीप्रमाणे
मार्ग क्रमांक ११ ः मार्केट यार्ड ते पिंपळे गुरव
मार्ग क्रमांक ११ अ ः मार्केट यार्ड ते कासारवाडी रेल्वे स्थानक
मार्ग क्रमांक ११ क ः कात्रज ते पिंपळे गुरव
मार्ग क्रमांक २९८ : कात्रज गुजरवाडी ते चिंचवडगाव
अधिकाऱ्याचा बस प्रवास
प्रवाशांच्या गैरसोयीबद्दल ‘सकाळ’ने प्रकाशझोत टाकल्यानंतर पीएमपीचे महाव्यवस्थापक सुबोध मेडशीकर हे गेले तीन दिवस सामान्य प्रवासी बनून प्रवास करत होते. ज्या वेळी त्यांनी बसमध्ये धक्के खाल्ले, प्रवाशांची भावना समजून घेतली, त्या वेळी त्यांना निर्णयात बदलाची जाणीव झाली. ही बाब अध्यक्षांना सांगितल्यावर निर्णयात बदल करण्याचे ठरले. बुधवारी निर्णयात बदल झाला. त्यामुळे ५० टक्के बससेवा पूर्ववत झाली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.