कालीचरण यांच्या अडचणीत वाढ; पुणे पोलिसांकडून गुन्हा दाखल

'कालीचरण महाराज' (Kalicharan Maharaj) हे नाव सध्या वादाच्या भोवऱ्यात आहे. कालीचरण यांनी काही दिवसांपूर्वी धर्म संसदेत केलेल्या एका वादग्रस्त वक्तव्यामुळे त्याच्यावर सध्या मोठ्या प्रमाणात टीका होत आहे. त्यातच आता पुणे पोलिसांकडून कालीचरण यांच्यावर गुन्हा दाखल करण्यात आला आहे. पुणे पोलिसांनी (Pune Police) वादग्रस्त वक्तव्य केल्याच्या दुसऱ्या एका प्रकऱणात कालीचरण यांच्यावर गुन्हा दाखल केला आहे. (Pune Police Files Case Against Kalicharan)

कालीचरण आणि मिलींद एकबोटे यांच्याविरोधात गुन्हा दाखल कऱण्यात आला आहे. खडकमाळ पोलीस स्टेशनमध्ये दोघांविरोधात गुन्हा दाखल करण्यात आला आहे. त्यांनी दोन दिवसांपूर्वी केकेलं वक्तव्य भोवलं असून, याआधी 2 ठिकाणी तक्रारी दाखल झाल्या आहेत.19 डिसेंबरला नातूबागेतील अफझलखानाचा आनंदोत्सव साजरा कऱण्यासाठी कालीचरण आला होता. या प्रकरणात कलम 297, 298 आणि 34 अंतर्गत त्यांच्यावर गुन्हा दाखल करण्यात आला आहे.

या एकुण प्रकरणात मिलींद एकबोटे, मोहन शेटे, नंदकुमार एकबोटे यांचा समावेश आहे. तर दिपक नागपुरे यांच्यावर गुन्हा दाखल झाला असून, ते भाजपचे नगरसेवक मंजुषा नागपुरे यांचे पती आहेत. कोरेगाव भीमा प्रकऱणात देखील त्यांचं नाव आलं होतं.