पुणे : शहरात ट्रान्स्पोर्ट व्यवसायाच्या आडून गुटख्याचा व्यवसाय करणाऱ्या दोघांवर खडक पोलिसांनी गुन्हा दाखल केला. आरोपींच्या ताब्यातून दोन लाख रुपयांचा गुटखा जप्त करण्यात आला आहे..या प्रकरणी पोलिस अंमलदार आशिष आदिनाथ चव्हाण यांनी खडक पोलिस ठाण्यात फिर्याद दिली आहे. त्यानुसार, पोलिसांनी संतोष रामलखन रॉय (वय ३५, रा. पिरंगुट, मूळ रा. बिहार) आणि विष्णू रामरतन गुप्ता (वय ३४, रा. शांताईनगर, मारुंजी) या दोघांवर गुन्हा दाखल केला आहे..शंकरशेठ रस्त्यावरील श्रीनाथ ट्रान्सपोर्टजवळ रस्त्यावर थांबलेल्या एका वाहनातील मालामध्ये गुटखा असल्याची माहिती खडक पोलिसांना मिळाली. त्यानंतर वरिष्ठ पोलिस निरीक्षक शशिकांत चव्हाण, पोलिस निरीक्षक (गुन्हे) मनोजकुमार लोंढे, पोलिस उपनिरीक्षक महेंद्र कांबळे, भरत बोराडे यांच्या मार्गदर्शनाखाली पथकाने सापळा रचला. .रविवारी रात्री संतोष रॉय आणि विष्णू गुप्ता हे माल घेण्यासाठी आल्यानंतर पोलिसांनी त्यांना ताब्यात घेतले. हुबळीहून आलेल्या मालामध्ये महक सिल्व्हर पान मसाला आणि एम-१ तंबाखू जर्दा असा सुमारे दोन लाख रुपयांचा गुटखा लपवून आणण्यात आला होता..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.