पुणे रेल्वे स्थानकावर दोन दिवसांपूर्वी घडलेल्या एका थरारक घटनेने सर्वांचे लक्ष वेधून घेतले आहे. चालत्या रेल्वेत चढण्याचा प्रयत्न करणाऱ्या एका प्रवाशाचा पाय घसरला आणि तो प्लॅटफॉर्म व ट्रेनच्या मधील पाताळात अडकण्याच्या मार्गावर होता. मात्र, रेल्वे पोलिस कर्मचारी पांडुरंग चव्हाण यांच्या सतर्कतेमुळे या प्रवाशाला जीवदान मिळाले. ही संपूर्ण घटना सीसीटीव्ही कॅमेऱ्यात कैद झाली असून, हा व्हिडिओ सध्या सोशल मीडियावर व्हायरल होत आहे.