Pune Rain Update : चार धरणात मिळून एक टीएमसीची वाढ; शहरात पाणी कपातीचे संकट

खडकवासला : खडकवासला धरण साखळीत २७ जून रोजी सकाळी सहा वाजता ४.१६ टीएमसी म्हणजे १४.२६ टक्के पाणीसाठा होता. एक जुलै रोजी सकाळी सहा वाजता ५.१० टीएमसी तर १७.५० टक्के पाणीसाठा झाला आहे. चार ही धरणात मिळून सुमारे एक टीएमसी म्हणजे ३.२४ टक्केने वाढ झाली.

सध्या शहरात पाणी कपातीचे संकट सुरू आहे. खडकवासला साखळीतील चारी ही धरण क्षेत्रात पाऊस पडत आहे. पडलेल्या पावसाचे पाणी खडकवासला, पानशेत व पूर्ण रिकामे झालेल्या टेमघर धरणात ५.५६ टक्के पाणी साठले आहे.

यामुळे नागरिकांमध्ये आनंदाचे वातावरण आहे. मागील २४ तासात म्हणजे शुक्रवारी सकाळी सहा पासून आज शनिवारी सकाळी सहा वाजेपर्यंत टेमघर येथे ९० मिलिमीटर पाऊस पडल्याची नोंद झाली आहे.

खडकवासल्यात नऊ मिलिमीटर पाऊस पडल्याची नोंद झाली आहे. पानशेतमध्ये ३१, वरसगावला ३२ मिलिमीटर पाऊस पडल्याची नोंद झाली आहे.

खडकवसला धरणातील पाणी साठा

१ जुलै २०२३ सकाळी सहा वाजताची स्थिती-

धरणाचे नाव / एकूण क्षमता(टीएमसी)/ उपयुक्त पाणीसाठा(टीएमसी) / टक्केवारी

खडकवासला- १.९२/१.००/५०.६३

पानशेत- १०.६२/१.,८०/१६.८७

वरसगाव- १२.८२/२.१०/१६.३७

टेमघर- ३.७१/०.२१/५.५६

चार धरणात मिळून एकूण ५.१० टीएमसी म्हणजे १७.५० टक्के पाणी आहे.