पुणे : राज ठाकरेंकडून इतिहासाची मोडतोड | Sakal
sakal

बोलून बातमी शोधा

इतिहास संशोधक श्रीमंत कोकाटे

पुणे : राज ठाकरेंकडून इतिहासाची मोडतोड

पुणे: छत्रपती शिवाजी महाराजांची समाधी ही छत्रपती संभाजी महाराजांनी बांधली आणि तिचा शोध महात्मा फुले यांनी घेतला. राज ठाकरे यांच्या राजकीय भूमिकेशी आम्हाला देणे घेणे नाही. छत्रपती शिवाजी महाराजांची मुद्रा कोणत्याही राजकीय पक्षाने वापरु नये, त्याला आमचा आक्षेप आहे. मनसेचे अध्यक्ष राज ठाकरे हे इतिहासाची मोडतोड करत आहेत, अशी टीका इतिहास संशोधक श्रीमंत कोकाटे यांनी केली.

कोकाटे म्हणाले, " राज ठाकरे यांनी त्यांच्या पक्षाच्या झेंड्यावर मुद्रा वापरली आहे. त्याला आमचा विरोध आहे. जबाबदार नेता असतो, त्याने अभ्यासपूर्ण बोलायला हवे. जाती जातीत तेढ निर्माण करणे हे लोकनेत्याचं लक्षण नाही. राज हे पुरंदरे, टिळक यांचे समर्थन करतात. यातून त्यांची आयडॉलॉजी स्पष्ट होते. ते पुरंदरे प्रेमात अडकले आहेत, त्यांना इतर काही समजून घायचे नाही. टिळकांनी छत्रपती शिवाजी महाराज यांच्या समाधीचा एक दगडही रचला नाही. याउलट शिवस्मारकासाठी गोळा केलेला निधी स्मारकाच्या कामासाठी वापरला नाही. राज ठाकरे हे जातीयवादी असून टिळक आणि पुरंदरे यांचे समर्थन करतात. त्याचा आम्ही निषेध व्यक्त करतो."

शिवचरित्राची मोडतोड करणाऱ्यांना पाठिंबा देणे हा राज ठाकरे यांचा शिवद्रोह आहे. राज हे बाबासाहेब पुरंदरे यांचे समर्थन करतात. ते शिवप्रेमींच्या नाही तर जेम्स लेनवादींच्या बाजूने उभे राहिले. महात्मा फुले यांनी शिवसमाधीचा शोध लावला आणि शिवजयंतीला सुरुवात केली. त्यांनी ९०८ ओळींचा पोवाडा लिहिला. छत्रपती शाहू महाराजांनी शिवस्मारकाची निर्मिती केली.

- इतिहास संशोधक श्रीमंत कोकाटे

Web Title: Pune Raj Thackeray Breaking History

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top