थंडावा शोधताना काळाचा घाला

थंडावा शोधताना काळाचा घाला
Published on: 

कवठे येमाई, ता.१३ : कवठे येमाई (ता. शिरूर) येथे घोडनदीच्या पात्रात मुलांसमवेत पोहण्यासाठी गेलेल्या वडिलांचा पाण्याचा अंदाज न आल्याने बुडून मृत्यू झाला. ही घटना बुधवारी (ता. १३) सकाळी दहाच्या सुमारास घडली. योगेश हरिदास भट (वय ४४) असे बुडून मृत्यू झालेल्या व्यक्तीचे नाव आहे.
स्थानिकांनी दिलेल्या माहितीनुसार, योगेश पुणे येथे पीएमपीएमएलमध्ये चालक म्हणून कार्यरत होते. उन्हाळी सुट्टीनिमित्त ते आपल्या दोन मुलांसह गावाकडे आले होते. वाढत्या उकाड्यातून थंडावा मिळावा म्हणून ते बुधवारी सकाळी मुलांसमवेत फत्तेश्वर मंदिरालगतच्या घोडनदीवर पोहण्यासाठी गेले होते. नदीपात्रातील पाण्याची खोली व प्रवाहाचा अंदाज न आल्याने योगेश पाण्यात बुडाले. घाबरलेल्या मुलांनी मदतीसाठी आरडाओरडा केला. स्थानिकांनी घटनास्थळी धाव घेत त्वरित शोधमोहीम सुरू केली. जवळपास तासभराच्या प्रयत्नांनंतर त्यांचा मृतदेह बाहेर काढण्यात आला.

घटनेची माहिती मिळाल्यानंतर शिरूर पोलिस घटनास्थळी दाखल झाले. मृतदेह शवविच्छेदनासाठी शिरूर येथील ग्रामीण रुग्णालयात पाठविला असून पुढील तपास शिरूर पोलिस करीत आहेत.

01897

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

Sewage treatment plants under construction as part of Pune's Mula-Mutha river pollution control project.
Nursing Students Drowned
Yellow Wagtail bird deaths in Maharashtra
एपीएमसी मार्केटमध्ये ट्रेलरखाली चिरडून १७ वर्षीय तरुणाचा मृत्यू वडिलांसोबत स्कुटीवरून जाताना काळाचा घाला; अन्नपूर्णा चौकातील दुर्घटनेने हळहळ