Inter-district gang targeting senior citizens arrested in Pune
Sakal
पुणे : ऑटोरिक्षामधून प्रवास करणाऱ्या ज्येष्ठ नागरिकांना गाठून हातचलाखीने त्यांचे सोन्याचे दागिने लांबवणाऱ्या एका आंतरजिल्हा सराईत टोळीला समर्थ पोलिसांनी अटक केली. या कारवाईत पोलिसांनी तिघांना अटक केली असून, त्यांच्या ताब्यातून १५ लाख रुपये किमतीचे १० तोळे सोन्याचे दागिने जप्त करण्यात आले आहेत. आरोपींनी पुणे आणि पिंपरी-चिंचवड शहरात अशाच प्रकारे अनेक चोऱ्या केल्याचे तपासात समोर आले आहे.
