Corona Update : पुण्यात दिवसभरात १८२ नवे कोरोना रुग्ण

पुणे : पुणे शहरात बुधवारी (ता.६) दिवसभरात १८२ नवे कोरोना रुग्ण आढळून आले आहेत. दिवसांत १३२ जण कोरोनामुक्त झाले आहेत. अन्य तीन रुग्णांचा कोरोनाने मृत्यू झाला आहे.

दरम्यान, दिवसभरात जिल्ह्यात एकूण ६४७ नवे कोरोना रुग्ण आढळून आले असून, ६९६ जण कोरोनामुक्त झाले आहेत. जिल्ह्यात दिवसांत आठ रुग्णांचा मृत्यू झाला आहे. दिवसांतील एकूण नवीन रुग्णांत शहरातील रुग्णांबरोबरच पिंपरी चिंचवडमधील ११७, जिल्हा परिषद कार्यक्षेत्रातील २९४, नगरपालिका हद्दीतील ४४ आणि कॅंटोन्मेंट बोर्ड क्षेत्रातील दहा रुग्णांचा समावेश आहे.

कोरोनामुक्त झालेल्यांमध्ये पुणे शहरातील १३२ रुग्णांबरोबरच पिंपरी चिंचवडमधील ९२, जिल्हा परिषद कार्यक्षेत्रातील ४०७, नगरपालिका हद्दीतील ५६ आणि कॅंटोन्मेंट बोर्ड क्षेत्रातील नऊ जणांचा समावेश आहे. दिवसांत पुणे शहर व जिल्हा परिषद कार्यक्षेत्रातील प्रत्येकी तीन आणि पिंपरी चिंचवडमधील दोन रुग्णांचा मृत्यू झाला आहे. गेल्या २४ तासांत नगरपालिका आणि कॅंटोन्मेंट बोर्ड हद्दीतील एकाही रुग्णाचा मृत्यू झाला नाही.