पुणे : दहशतवादी संघटनेशी संबंध असल्याची भीती दाखवून सायबर चोरट्यांनी एका ज्येष्ठ नागरिकाची ९९ लाख रुपयांची फसवणूक केली. या प्रकरणी सायबर चोरट्यांवर गुन्हा दाखल केला आहे..याबाबत एका ज्येष्ठ नागरिकाने शिवाजीनगर येथील सायबर पोलिस ठाण्यात फिर्याद दिली. पोलिसांनी दिलेल्या माहितीनुसार, तक्रारदार हे कसबा पेठेतील मेट्रो स्थानक परिसरात राहायला आहेत. ते सेवानिवृत्त आहेत. सायबर चोरट्यांनी त्यांना तीन ऑक्टोबरला फोन केला. बंदी घातलेल्या एका दहशतवादी संघटनेशी तुमचा संबंध आहे. त्यामुळे तुमच्यावर कारवाई होणार आहे, अशी भीती त्यांना दाखविली. .Pune Crime News : अडीच वर्षांच्या चिमुकलीवर अत्याचार करणाऱ्या सावत्र बापाला २० वर्षे सश्रम कारावास; पुणे न्यायालयाचा मोठा निर्णय.दहशतवादी कारवायांशी बँक खात्यातून पैसे पाठविण्यात आल्याची बतावणी करून या प्रकरणात अटक केली जाण्याची शक्यता आहे, असे त्यांना सांगण्यात आले. चोरट्यांनी भीती दाखविल्यानंतर ज्येष्ठ नागरिक घाबरले. त्यांनी चोरट्यांच्या खात्यात वेळोवेळी ९९ लाख रुपये जमा केले..आठवडाभरात त्यांनी जवळपास खात्यातील सर्व रक्कम चोरट्यांच्या खात्यात जमा केली. त्यानंतरही चोरट्यांकडून पैशांची मागणी करण्यात आली. फसवणूक झाल्याचे लक्षात आल्यानंतर त्यांनी पोलिसांकडे तक्रार दिली. सायबर ठाण्याच्या वरिष्ठ पोलिस निरीक्षक स्वप्नाली शिंदे या गुन्ह्याचा तपास करत आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
