Pune : शिरदाळे येथे पारंपरिक पद्धतीने प्रतीकात्मक वीर देवांच्या मिरवणुका काढुन धुलवड साजरी

पारगाव : शिरदाळे ता. आंबेगाव येथे गेली अनेक वर्षापासुन चालत आलेल्या परंपरेनुसार होळी सणाच्या दुसऱ्या दिवशी काल मंगळवारी धुलीवंदनाच्या दिवशी पारंपारिक पध्दतीने लहान मुलांना महाभारत, रामायण व पौराणिक पध्दतीची वेशभुषा करुन विरांचा पाडवा उत्साहात साजरा करण्यात आला.

तालुक्याच्या पुर्वभागातील शिरदाळे या गावात वर्षातील सर्व सण व उत्सव गावातील सर्व ग्रामस्थ एकत्रीत पारंपारिक पध्दतीने साजरे केले जातात विराचा पाडवा साजरा करताना गावातील लहान मुलांना चाफ्यांच्या फुलांसह माळरानावरील विविध रंगाच्या पान फुलांचे हार

घालुन त्यांना सजवुन आकर्षक वेशभुषा करुन त्या सर्व प्रतिकात्मक विरांची गावातुन मिरवणुक काढण्यात आली काही तरुण तसेच जेष्ठांनी विविध प्रकारची पारंपारिक सोंग आणुन या कार्यक्रमाचा आनंद व्दिगुणित केला.

धूलिवंदन सण साजरा करुन गावात एकोप्याचे दर्शन घडविले दोनशे वर्षांपेक्षा जास्त वर्षाची परंपरा असलेला धुलिवंदन सण यावर्षी देखील पारंपरिक पद्धतीने साजरा झाला. पारंपरिक वाद्यांच्या तालात गावच्या वेशीतून वीर देवांची भव्य मिरवणूक काढून त्यांची पूजा करून तळी भंडार करण्यात आला. गावातील लहान मुलांना

देवाचा वेष परिधान करून त्याची मिरवणूक काढली जाते त्यानंतर गावच्या चौकात जेष्ठ मंडळी आपल्या जुन्या आठवणी जागवताना घाई धरून ढोल लेजिम खेळले जाते आणि मग सर्व देवांना घरी नेऊन घरातील महिला त्यांची पूजा करून कार्यक्रमाची सांगता केली जाते.

याहीवर्षी धुलवड हा सण अतिशय आनंदात आणि पारंपरिक पद्धतीने साजरा करण्यात आला. सकाळी संतोष महाराज बढेकर यांच्या मार्गदर्शनाखाली असणारी श्री. ज्ञानेश्वर मंदिर (बढेकर मळा) ते श्री.क्षेत्र देहू पायी दिंडी सोहळ्याचे स्वागत करण्यात आले यावेळी हनुमान भजनी मंडळ व ग्रामस्थ उपस्थित होते.

दुपारी चार वाजता वीर देवांच्या मिरवणुका निघाल्या. पारंपारिक वाद्यांच्या व सनईच्या सुरात वीर देवांना गावच्या हनुमान चौकात आणण्यात आले. या कार्यक्रमाला गावातील सर्व जेष्ठ मंडळी,सर्व महिला,लहान मुले मोठ्या उत्साहात सहभागी झाली होती . यावेळी उपसरपंच मयुर सरडे, ग्रामपंचायत सदस्य बिपीन चौधरी ,कोंडीभाऊ तांबे, जयदीप चौधरी ,विशाल रणपिसे, सखाराम तांबे, रंगनाथ रणपिसे आणि गावातील अनेक बुजुर्ग मंडळी उपस्थित होती.