Administrative Delays and Financial Burden on Rural Students
Sakal
प्रज्वल रामटेके
पुणे : ‘‘माझ्या मुलाचा पुण्यात नंबर लागला, महाविद्यालय देखील सुरू झालं. पण राहायला वसतिगृहच नाही. आम्ही शेतमजूर, शहरातल्या खासगी रूमचं हजारो रुपयांचं भाडं कुठून भरणार? महिनाभरापासून समाजकल्याण कार्यालयाचे उंबरे झिजवतोय, पण ‘पोर्टल लवकरच सुरू होईल’ यापलीकडे अधिकारी काहीच सांगत नाहीत. निवाराच नसल्याने मुलाला घरीच बसवून ठेवण्याची वेळ आमच्यावर आली आहे.’’ अहिल्यानगरचे हतबल पालक सुनील साळुंके यांची ही उद्विग्न प्रतिक्रिया प्रशासनाच्या गलथान कारभारावर सणसणीत चपराक ओढणारी आहे. महाविद्यालयांचे नवीन शैक्षणिक सत्र सुरू होऊन महिना उलटला, तरी ‘महाआयटी’च्या पोर्टलवरील तांत्रिक घोळामुळे समाजकल्याण विभागाच्या वसतिगृहांना अद्याप कुलूपच आहे.
