पुणे-सोलापूर राष्ट्रीय महामार्गावर अज्ञात ट्रकने दुचाकीला धडक

कुरकुंभ : पुणे-सोलापूर राष्ट्रीय महामार्गावर स्वामी चिंचोली ( ता. दौंड ) हद्दीत भरधाव वेगात जाणार्‍या अज्ञात ट्रकने दुचाकीला धडक दिल्याने एक जण ठार एक जखमी झाला. अपघात मंगळवारी ( ता. 30 ) पहाटे दीडच्या सुमारास घडला आहे.

स्वामी चिंचोली हद्दीतील सोनारनाल्याजवळ पुणे सोलापूर महामार्गावरून भरधाव वेगात जाणाऱ्या अज्ञात ट्रकने दुचाकीला ( एमएच. 08, एडब्लु. 4890 ) धडक दिली. या अपघातात दुचाकीचालक राजू दिगंबर जुड़े ( वय 24, सध्या रा. चिपळूण, जि. रत्नागिरी ) त्यांच मूळगाव साळीत उपखंड हे आहे. हे गंभीर जखमी झाल्याने ठार झाले. तर दुचाकीवर पाठीमागे बसलेले

बुध्दभूषण दिंगबर दामोदर ( वय 21, सध्या. रा. पुणे तर मूळगाव मु. अंबाळी, ता. उमरखेड, जि. यवतमाळ ) हे जखमी झाले. याप्रकरणी बुध्दभूषण दामोदर यानी पोलिसात फिर्याद धिली आहे. पोलिसांनी याप्रकरणी अज्ञात ट्रकचालकाने त्याच्या ताब्यातील भरधाव निष्काळजीपणे चालवून रहदारीच्या नियमांकडे दुर्लक्ष करून राजू जुडे यांच्या मृत्यूस व बुध्दभूषण दामोदर याला जखमी करण्यास कारणीभूत ठरल्याप्रकरणी अज्ञात ट्रकचालकाविरुद्ध गुन्हा दाखल केला आहे. त्याच्याविरुद्ध भारतीय दंड संहिता कलम 279, 337, 388,304,427 व मोटर वाहन कायदा 134,179,184 अंतर्गत गुन्हा दाखल केला आहे. अपघाताचा पुढील तपास पोलिस निरीक्षक विनोद घुगे यांच्या मार्गदर्शनाखाली पोलिस करीत आहेत.