Pune Weather Update : पुण्यात तापमानाचा पारा चढला, पुढील काही दिवसांत उकाडा वाढणार

पुणे : शहरातील उकाड्यात लक्षणीय वाढ झाली असून, कमाल तापमान ३० अंश सेल्सिअसच्या वर पोहोचले आहे. गेल्या काही दिवसांपासून पावसाने विश्रांती घेतली आहे. परिणामी पुणेकरांना उकाड्याचा सामना करावा लागत आहे. पुढील तीन ते चार दिवसांत तापमानात आणखी वाढ होईल, अशी शक्यता भारतीय हवामानशास्त्र विभागाने वर्तविली आहे.